موقع القافلة الإخباري موقع اخباري موريتاني
بمناسبة الذكرى الثالثة لمسيرة مثاق الحقوق السياسية والإجتماعية للحراطين ننشر لكم في القافلة كلمات وفيديو نشيد المثاق:
مِيـثَاقْ حُقُـوقْ أمْوَحَّـدْ ذَ الشَّعْبْ حَوْلْ الْعَــدَالَ وَاهَاوْ يَا امْنَاتْ البَـــلَدْ وَ احْيَاوْ تَحْيَ الرَّجَّـــالَ *** مَنْ نَصْ قَـرْنْ أُرَكَّــدْنَ أُوُلاَََ كََطْ حَـدْاتْفَـكَّــــدْنَ خَطَّارْ عَــدْنَ فَبْلَــــدْنَ وَاعْمَاتْ عَنْ ذِيِكْ الْحـَالَ بَصِيرْتَ الْحَقْ أُوعَـدْنَ لاَبُـدْ نُحْـــــيِ الأَمَـــــالَ *** مِيثَــــــاقْ… *** وابَّـاشْ فَـبْلَــدْ نَطَّـوّرْ وَانْهَــدْ وَاقِـــعْ مُزَوَّرْ مَفْرُوظْ فينَ تَتْـغَــــيّرْ افْكَـارْ عَيْنْ الْجَهَــالَ وَالشَّعْب لَحْكُ يَتْحَرَّرْ وِيظُوكْ طَعْـمْ العَـدَالَ *** مِيثَــــــاقْ… *** يَكَـانْ تُضَاحْ الصُّـــوَّرْ فَذْهَانْ بِيظَانُ وَ اكْـــوَرْ مَسْحُوقْ ذَ الشَّعْبْ إيدَوَّرْ تَغْيِيرْ عَنْ هَاذِي الْحـَالَ وِ إِيدَوْرْ فَارْضُ يَتْحَـرَّرْ لَطَـالْ ذَ الدَّهْرْ أُو طَالَ *** مِيثَــــــاقْ… *** وِإِيدَوْرْ فَاسْلاَََكْ الدَّوْلَ يَنْشَـافْ فَـمْ ابْسُهُـــــولَ وَ اتْعُـودْ دَوْلَ مَسْؤُولَ واتْحَـدْ مَنْ كَلْ امْسَــالَ مَغْبُـونْ فِيهَ وُوْ جَـوْلَ وَاتْعُـودْ فِيــهَ التَّــــــوَالَ *** مِيثَــــــاقْ… *** وِإِيْـدُوْرْ تَعْلِيـمْ اطْفَـالُ مَنْ حَرْ مَجْمُوعْ امْوَالُ وِإِيــدَوْرْ تَزْيَانْ احْوالُ واتْـمُوتْ فِيهْ الْبَطَـــالَ وِإِيـدَوْرْ تَرْسِيخْ افْبَـالُ عَنْ فَمْ عَادَتْ عَـــدَالَ *** مِيثَــــــاقْ… *** إِيـْـدُورْ تَــوْفَ كُـلِّـــيّ مَظَاهَــــرَ لْعَـبُــــــودِيَّ والظُّلْمْ وَ الْعُنْصُـــرِيّ واْلقِــيلْ فِيـهـَــمْ وَاْلْقـَـالَ يَـكانْ هَــاذِ لَـلـْـفِـــــيّ تَزْيَـــانْ فــــيـهَ لكْسَــالَ *** مِيثَــــــاقْ… *** وِ إِيْدُورْ بُنْــيَ تَحْتِـــــيَّ لَـهْل آدْوَابَ اْلمَنْسِــيَّ وِإِزَالَـتْ الْفِئَـــــــــوِيَّ وَاتْعُـودْ خَبْطَتْ فَصَالَ بَيْنَـاتْ حَـالَ سَـــــوِيَّ وَايَّـــــامْ سُـوءْ الْكَفـَــالَ كلمات الشاعر: القاضي ولد محمد عينينا
ويمكنكم متابعة تلحين النشيد عبر الفيديو التالي
